அவள் உலகம்!

-

என் உலகம்
என் தோள் மேல் ஏறி
தன் உலகம் பார்க்கிறது!


உலகம் புரிபட்ட பின்னால்(ள்)
உதறி நடக்குமோ
உள்ளுக்குள் காயம் தருமோ
நான் அறியேன்…

சுற்றுலா வழிகாட்டி போல்
அவள் வாழ்வின் வழிகாட்டி நான்
அவ்வளவே!

எனக்கே வாழ்வு
புரிபடாத போது
அவள் வாழ்விற்கு எப்படி
காட்டுவேன் வழி?

புரிபடாத ஒன்றை
புாிந்தது போல்
காட்டுவது தான்
எத்தனை முரண்?

தோளில்
ஏற்றுவதோடு சரி
அவள் வாழ்வை
அவளே புரிந்து கொள்ளட்டும்!

சொந்தப் புரிதல்
காயப்படுத்தினாலும்
உதடுகளுக்கு எப்போதும்
புன்னகையை கற்றுத் தரும்!

Comments

சாய்ரோஸ் said…
அற்புதமான எழுத்து... மகளைத்தோளில் சுமக்கும் தந்தையின் மனநிலை குறித்த வித்தியாசமான கோணம்...
வார்த்தைகளின் கோர்ப்பு மிக மிக அருமை...
என்னை மிக மிக கவர்ந்த கவிதை...
அற்புதம்... வாழ்த்துக்கள்.
11 July 2013 at 03:10
கவி ரூபன் said…
சாய்ரோஸ்,

உங்கள் பாராட்டிற்கு நன்றி. இந்தப் பாராட்டைப் பெற இந்த கவிதை தகுதியானதா என்று எனக்குத் தெரியல...

என்றாலும் உங்கள் வருகைக்கும் கருத்திற்கும் நன்றி...!
11 July 2013 at 16:37
திண்டுக்கல் தனபாலன் said…
ரசித்தேன்... பாராட்டுக்கள்...

உங்களின் தளம் அறிமுகம் : http://jeevanathigal.blogspot.com/2013/07/blog-post_14.html

நன்றி...
14 July 2013 at 11:22
கவி ரூபன் said…
நன்றி தனபால்...
14 July 2013 at 11:48
இராய செல்லப்பா said…
உள்ளது உள்ளபடி உரைக்கும் கவித்துவமுள்ள உணர்ச்சிக்கவிதை. வாழ்த்துக்கள். – நியூஜெர்சியிலிருந்து கவிஞர் இராய.செல்லப்பா.
2 August 2013 at 06:21
கவி ரூபன் said…
நன்றி ஐயா உங்கள் வாழ்த்திற்கும் வருகைக்கும்!
3 August 2013 at 19:23
Post a Comment

Popular posts from this blog

அத்தை மகள்

-
Image
ஒலி வடிவம் : Your browser doesnot support to play தரவிறக்கம் : aththaiMakal.mp3 [1.36MB] அத்தை - உந்தன் முத்தான மகளை அவள் மேல் பித்தான எந்தனுக்கு சொத்தாக்கும் எண்ணம் உந்தன் சிந்தையில் இன்னும் வித்தாகவில்லையோ? தயிர் கடையும் மத்தாக - எந்தன் உயிர் கடைகின்றாள் அத்தை உந்தன் செல்வ மகள் முகமதை முழுநிலா என்று சொன்னால் பூரணமாகாது ஏனெனில் முழுநிலா என்றும் முழுசாய் குளிர் விட்டுச் சிரிக்காது! தளிர் கரம் கொண்டு பளீர் எனக் கன்னத்தில் அறைந்தாலும் பட படக்க மாட்டேன் அத்தை - அந்த பட்டு விரல்களின் பாஸையில் பல சங்கதி காண்பேன் அத்தை! கறுப்பு என்றென்னைப் பழிக்காதே அத்தை இராமன் முதல் அர்ச்சுனன் வரை கறுப்பில் கரை கண்டார் - ஆனாலும் யாரவரில் கறை கண்டார்? மேனி நிறம் பார்க்காதே அத்தை அன்பு நிறம் பார் திறம் திறம் என்று தித்திப்பாய்...! நாலெழுத்துப் படிக்கவில்லை என்று நகைக்காதே அத்தை ஊரோடு உலகறியும் நல்லறிவு எனக்குண்டெனும் ஓரறிவு உனக்கு வேண்டும் அத்தை! கையில் இல்லை நாலு காசென்று கலங்காதே அத்தை - எந்தன் கனவுக்கு உலகை நெய்யும் வலி உண்டென்று அறிவாய் அத்தை! பித்தம் கூடிப் பிதற்றவில்லை அத்தை நித்தம் ஆய்ந்து அறிந்...
Read more

ஒலி வடிவம்

-
வணக்கம் நண்பர்களே, இந்தப் பகுதியில் கவிதைகளை ஒலி வடிவில் தரமுயற்சிக்கின்றேன். முன்னேற்றகரமாக எப்படி மெருகேற்றலாம் என்பது தொடர்பாக உங்கள் கருத்துகளை வரவேற்கின்றேன்.... நன்றி. இல. கவிதை ஒலி வடிவம் 01 அத்தை மகள் 02 இவள் எப்படி? 03 மங்கை இவள் பேசினால்… 04 மனசு என்னும் மந்திரக் கிண்ணம் 05 நடந்த கதை!
Read more

கவிதைகள் - அட்டவணை

-
…புதுப்பிக்கப்பட்ட திகதி  : 28 ஆனி 2014 பிரிய சிநேகிதி...! பாவம் காற்று...! சிவன் வந்தான் நான் அரசியல்வாதி! சாவுக்கு ஒரு தூது! நவ நங்கை! மலர் வனம் வாடியதேன்? எனக்கு தூக்கு மேடை... உனக்கு நாடக மேடை...! காணவில்லை! யன்னல் நிலா முகங்கள் சீர்திருத்தங்கள்! அழகிய இளவரசி இவள் எப்படி? அத்தை மகள் சோகம் நெஞ்சு பொறுக்குதில்லையே.... சகோதரிக்கு... வாராய் சித்திரையே... சமா(ர்)தானம்! இன்ப வதை... காதலர் தினத்தில் எழுதிய கவிதை... ஈழக் கனவு கனவுப் பெண் இறைவனுக்கு எச்சரிக்கை என் தேவி கண்மணிக்குள் சிக்கிய பெண்புறா பொய்யில் நிஜங்கள் சிறை வாழ்ந்தென்ன லாபம்? இறந்தது போதும்! தம்பிக்கு... நினைவுக் கவிதை [19-07-2007 மூன்றாம் ஆண்டு நினைவு] பலியாடுகள்! கற்கண்டு இதழ் சுவைப்பது எப்போது? பகையோடும் வேளை! காதல் பிரிவு - சில கீற்றுக்கள் சுடும் நினைவு ஏய் பகையே... அடாது செய்தாய்! தீப ஒளி வாழ்த்துகள்... இவன் ஒ...
Read more