முத்த அறுவடை!
கன்னத்தில் முத்தங்களை நான் விதைக்கிறேன்... எப்போதடி தொடங்கும் அறுவடைக் காலம்? 01 மாசி 2013
Posts
மழலையாகிறேன்…!
அங்கும் இங்கும் தவழ்கின்றாள் ஆராய்ச்சி பல புரிகின்றாள்! எழுந்து நிற்க முயல்கின்றாள் விழுந்து பின் அழுகின்றாள்! ஆனாலும் மீண்டும் முயன்று பார்க்கின்றாள் விழ… விழ… எழுகின்ற குழந்தையின் செய்கை கண்டு நாமும் கற்க வேண்டிய பாடம் இதுவென உணர்கின்றேன்! உதடுகளுக்கிடையில் சிரிப்பை ஒளித்து வைக்கிறாள் எப்போது விடுவிப்பாள் என்று அவள் முகம் பார்த்த வண்ணம் நான்! அப்பன் என்னும் உறவெல்லாம் மறந்தே போச்சு நானும் மழலையாகிறேன் அவள் அருகிருக்கையில்!
அவள் உலகம்!
என் உலகம் என் தோள் மேல் ஏறி தன் உலகம் பார்க்கிறது! உலகம் புரிபட்ட பின்னால்(ள்) உதறி நடக்குமோ உள்ளுக்குள் காயம் தருமோ நான் அறியேன்… சுற்றுலா வழிகாட்டி போல் அவள் வாழ்வின் வழிகாட்டி நான் அவ்வளவே! எனக்கே வாழ்வு புரிபடாத போது அவள் வாழ்விற்கு எப்படி காட்டுவேன் வழி? புரிபடாத ஒன்றை புாிந்தது போல் காட்டுவது தான் எத்தனை முரண்? தோளில் ஏற்றுவதோடு சரி அவள் வாழ்வை அவளே புரிந்து கொள்ளட்டும்! சொந்தப் புரிதல் காயப்படுத்தினாலும் உதடுகளுக்கு எப்போதும் புன்னகையை கற்றுத் தரும்!
சந்தோசம்!
சந்தோசம் என்பது எங்கேயும் இல்லடா உனக்குள்ளே இருக்குது உனைப் பாத்துச் சிரிக்குது கை கூப்பி வணக்கம் சொல்லு!