Kaviyarankam Baner

Wednesday, 23 May 2007

கனவுப் பெண்

உள்ளம் பயந்து ஊமையாகுது

கள்ளப் பெண்ணவளிடம் காதல் கொள்ளுது

 

கொடி முல்லையென ஆடி வருவாள்

குயிலின் நாதமெனக் கூவி வருவாள்

 

செம்பருத்தி அவளென்னை

ஊடல் செருமுனைக்கு* அழைப்பாள்

பின்னே ஓடி வந்து என்னைக்

கட்டி அணைப்பாள்

 

நீள் முடி கோதி

நிம்மதி நாடி

புன்னகை செய்வாள்

பின்னே பெருநகை செய்து

என்னை ஏளனம் செய்வாள்

 

முகத்திரண்டு கருவண்டு

என்னை கிறங்கடிக்க வைக்கும்

மூக்குத்தி மின்னொளியை

மழுங்கடிக்கச் செய்யும்

 

பேனாவை எடுத்து

சிந்தனைக் குதிரையை

தட்டிக் கொடுத்து

புதுக் கவிதை ஒன்று

எழுத்தில் வடிப்பேன்

பூவை அணைத்து

உயிர்க் கவிதை ஒன்று

மண்ணில் படைப்பேன்.

________________________________

* செருமுனை - போர்க்களம்

0 பின்னூட்டல்கள்:

Related Posts Plugin for WordPress, Blogger...
பின்னூட்டல்களில் இருந்து...
»» கவிதைகளின் அட்டவணை | ஒலி வடிவம்