முகங்கள்

-
எனக்கே என்முகம் அடிக்கடி
மறந்து போகிறது!
கண்ணாடி கூட துலக்கமின்றி
துக்கம் அனுஷ்டிக்கின்றது
வயல் வரம்பில், ஏர்தடங்களில்
வடலி முளைத்த பிட்டிகளில்
என்று எங்கேயோ என் முகம்
தொலைந்து போயிருக்கலாம்
தேடி எடுத்து என் முகம் இதுவென
அடையாளம் சொல்வதும் கஷ்டந்தான்!

எத்தனை... எத்தனை... முகங்கள்
அதில் என் முகம் எது?
'பூட்ஸ்' கால்களின் அடியில்
புண்பட்டுத் துடிக்கின்ற முகங்கள்!
'ட்ரக்' வண்டிச் சில்லின் அடியில்
சிக்கிச் சிதலமடைந்து போன முகங்கள்!

இப்படிப் பல
பல விதங்களில்...

கண்களில் ஏக்கத்தை தாங்கி
தூக்கத்தை தேடும் ஒரு முகம்!
கண்ணீர் போடும் திரையோடு
கால தேவனை நிந்திக்கும் ஒரு முகம்!
கடைசியில் போவது கல்லறை தான்
ஆனாலும் கட்டாய லீவில் அனுப்ப
யாரிவர் என மனுப் போடும் ஒரு முகம்!

கட்டிய சேலையை உருவும்
துச்சாதன வாரிசுகள்!

'துடிக்காத மீசைகள்' போலியாய்
பொய்க் கோபம் காட்டும்!

கற்பென்ன கற்கண்டா
கண்டவர் எடுத்துக் கொள்ள?

நறுக்கென்று நாலு வார்த்தை
எடுத்துச் சொன்னால் என்ன?

எங்கள் முகங்களின் முகவரிகளை
முடிந்தவரை படித்துப் பாருங்கள்
புதிதாய் ஒரு பாரதம் செய்யலாம்!

ஒருவருக்கு இத்தனை முகங்களா
என்று வியப்பில் வீங்கலாம்!
வாருங்கள்...

அநியாயங்களில் ஒரு அடுக்குமாடி
கட்டலாம்
அரிதாரம் பூசி யாரும்
அறியாமல் மறைக்கலாம்!

ஒரு முகத்தோடு
உலகோடு
கைகுலுக்குவோம்

மற்ற முகங்களுடன்
சம்காரம் செய்து
வெண்புறாவை
நிறம் மாற்றுவோம்!

கதறக் கதற
கற்பை விலை பேசுவோம்

கடுமையாய் சாடினால்
விசாரணைக் கமிஷன்
வைப்போம்!

எத்தனை... எத்தனை...
முகங்கள்...
எடுத்து வைக்கும்
ஒவ்வொரு அடியிலும்
யோசிக்க வைக்கும்
முகங்கள்

கருணை மிகு கந்தா
ஆறு முகம் காட்டு
எமைச் சூழும் பகையை
வெந்தணலில் வாட்டு
உன் கொடியைக்
கொஞ்சம் மாற்று - அதில்
வெண்புறாவைப் போட்டு!

Comments

சினேகிதி said…
Nalla iruku Ruban!! niraya thalaipugal madum sidebar la iruku kavitaikalai kaanavilaye???
4 March 2007 at 20:22
வி. ஜெ. சந்திரன் said…
வணக்கம் கவி ரூபன்
உங்கள் கவிதைகள் நன்றாக இருக்கிறன.

தமிழ்மணம்.கொம் http://www.thamizmanam.com/
இல் இணைக்கலாமே.
4 March 2007 at 20:31
கவி ரூபன் said…
சினேகிதி, நன்றி! நிறைய தலைப்புக்கள் போட்டிருக்கிறேன்... ஆனால் தட்டச்சு செய்ய சோம்பல்... வெகு விரைவில் முழுமைபெயறும் என்று நம்பலாம்...!
5 March 2007 at 00:18
கவி ரூபன் said…
சந்திரன் தமிழ் மணத்தில் இணைக்க முயற்சிக்கின்றேன். ரசனைக்கும் நேரத்துக்கும் நன்றி...
5 March 2007 at 00:19
Post a Comment

Popular posts from this blog

அத்தை மகள்

-
Image
ஒலி வடிவம் : Your browser doesnot support to play தரவிறக்கம் : aththaiMakal.mp3 [1.36MB] அத்தை - உந்தன் முத்தான மகளை அவள் மேல் பித்தான எந்தனுக்கு சொத்தாக்கும் எண்ணம் உந்தன் சிந்தையில் இன்னும் வித்தாகவில்லையோ? தயிர் கடையும் மத்தாக - எந்தன் உயிர் கடைகின்றாள் அத்தை உந்தன் செல்வ மகள் முகமதை முழுநிலா என்று சொன்னால் பூரணமாகாது ஏனெனில் முழுநிலா என்றும் முழுசாய் குளிர் விட்டுச் சிரிக்காது! தளிர் கரம் கொண்டு பளீர் எனக் கன்னத்தில் அறைந்தாலும் பட படக்க மாட்டேன் அத்தை - அந்த பட்டு விரல்களின் பாஸையில் பல சங்கதி காண்பேன் அத்தை! கறுப்பு என்றென்னைப் பழிக்காதே அத்தை இராமன் முதல் அர்ச்சுனன் வரை கறுப்பில் கரை கண்டார் - ஆனாலும் யாரவரில் கறை கண்டார்? மேனி நிறம் பார்க்காதே அத்தை அன்பு நிறம் பார் திறம் திறம் என்று தித்திப்பாய்...! நாலெழுத்துப் படிக்கவில்லை என்று நகைக்காதே அத்தை ஊரோடு உலகறியும் நல்லறிவு எனக்குண்டெனும் ஓரறிவு உனக்கு வேண்டும் அத்தை! கையில் இல்லை நாலு காசென்று கலங்காதே அத்தை - எந்தன் கனவுக்கு உலகை நெய்யும் வலி உண்டென்று அறிவாய் அத்தை! பித்தம் கூடிப் பிதற்றவில்லை அத்தை நித்தம் ஆய்ந்து அறிந்
Read more

கவிதைகள் - அட்டவணை

-
…புதுப்பிக்கப்பட்ட திகதி  : 28 ஆனி 2014 பிரிய சிநேகிதி...! பாவம் காற்று...! சிவன் வந்தான் நான் அரசியல்வாதி! சாவுக்கு ஒரு தூது! நவ நங்கை! மலர் வனம் வாடியதேன்? எனக்கு தூக்கு மேடை... உனக்கு நாடக மேடை...! காணவில்லை! யன்னல் நிலா முகங்கள் சீர்திருத்தங்கள்! அழகிய இளவரசி இவள் எப்படி? அத்தை மகள் சோகம் நெஞ்சு பொறுக்குதில்லையே.... சகோதரிக்கு... வாராய் சித்திரையே... சமா(ர்)தானம்! இன்ப வதை... காதலர் தினத்தில் எழுதிய கவிதை... ஈழக் கனவு கனவுப் பெண் இறைவனுக்கு எச்சரிக்கை என் தேவி கண்மணிக்குள் சிக்கிய பெண்புறா பொய்யில் நிஜங்கள் சிறை வாழ்ந்தென்ன லாபம்? இறந்தது போதும்! தம்பிக்கு... நினைவுக் கவிதை [19-07-2007 மூன்றாம் ஆண்டு நினைவு] பலியாடுகள்! கற்கண்டு இதழ் சுவைப்பது எப்போது? பகையோடும் வேளை! காதல் பிரிவு - சில கீற்றுக்கள் சுடும் நினைவு ஏய் பகையே... அடாது செய்தாய்! தீப ஒளி வாழ்த்துகள்... இவன் ஒரு ச
Read more

ஒலி வடிவம்

-
வணக்கம் நண்பர்களே, இந்தப் பகுதியில் கவிதைகளை ஒலி வடிவில் தரமுயற்சிக்கின்றேன். முன்னேற்றகரமாக எப்படி மெருகேற்றலாம் என்பது தொடர்பாக உங்கள் கருத்துகளை வரவேற்கின்றேன்.... நன்றி. இல. கவிதை ஒலி வடிவம் 01 அத்தை மகள் 02 இவள் எப்படி? 03 மங்கை இவள் பேசினால்… 04 மனசு என்னும் மந்திரக் கிண்ணம் 05 நடந்த கதை!
Read more